Azərbaycan pomidorları, xiyarları, bir sözlə, bütün meyvə və tərəvəzləri çox dadlıdır. Bazarların şaxələndirilməsi ilə bu məhsullar bir deyil, bir neçə istiqamətdə ixrac oluna bilər.
Xeberle.com xəbər verir ki, bunu Avropa İttifaqının (Aİ) Azərbaycandakı nümayəndəliyinin rəhbəri Kestutis Yankauskas deyib.
"Azərbaycan Avropa İttifaqına fındıq ixrac edir və ixrac bazarına bir neçə Avropa ölkəsi daxildir. Fındıq ixracında standartlar yüksək səviyyədə tətbiq edilib. Eyni standartların tətbiqi ilə Azərbaycan pomidorunun da Aİ ölkələrinə ixracı tamamilə mümkündür. Biz fitosanitariya istiqamətdə də işləyirik, layihələrimiz var. Bu istiqamətdə lazımi köməklik göstərməyə hazırıq", - deyə Aİ rəsmisi bildirib.
Xəbərdən istifadə edərkən istinad etmək vacibdir.
