Yanvarın 12-si Sumqayıt Regional Mədəniyyət İdarəsinin rəis müavini İlham Əhmədov Qubadlı rayon Nümayəndəliyində müşavirə keçirib.
Xeberle.com-a verilən məlumata görə, müşavirədə idarənin mədəniyyət evləri və kitabxanalar üzrə kurator məsləhətçiləri, tabe müəssisələrinin işçiləri iştirak ediblər. İlham Əhmədov çıxış edərək, hər kəsə yeni iş ilində uğurlar arzulayıb. İlk növbədə 2021-ci ildə görülən işlər barədə müəssisə rəhbərlərinin hesabatları dinlənilib. Rəis müavini Qubadlı nümayəndəliyində bəzi çatışmazlıqları nəzərə alaraq müəssisə rəhbərlərinə ciddi tapşırıq verərək bildirib ki, 2022-ci ildə işlərə daha operativ və məsuliyyətli yanaşmaq lazımdır. Eyni zamanda İ.Əhmədov qeyd edib ki, cənab Prezidentimiz İlham Əliyevin 2022-ci ili "Şuşa İli" elan etməsi bizim öz işimizi daha yaxşı göstərmək üçün bir fürsət olmalıdır. Bütün işçilər öz gücünü, işini bu istiqamətə yönləndirməlidir. Mədəniyyət evinin direktoru Ziba İbrahimova, MKS-nin direktoru Müşkünaz Muradova, Tarix-diyarşünaslıq muzeyinin direktoru Vaqif Babayev, Mahmudlu Kənd uşaq musiqi məktəbinin direktoru Elnur Sadıqlı, Rayon uşaq musiqi məktəbinin direktoru İlkin Bəhmənli öz çıxışlarında görüləcək iş planları haqqında rəis müavininə məlumat veriblər.
Xəbərdən istifadə edərkən istinad etmək vacibdir.