Bakıda iş yerinə ziyan vuran şəxs tutulub.
Binəqədi rayonunda fəaliyyət göstərən şirkətlərin birindən pul mənimsənilməsi barədə Binəqədi RPİ-nin 40-cı Polis Bölməsinə müraciət daxil olub.
Araşdırmalarla şirkətə məxsus soyuducuların satılaraq əldə olunan 15 700 manat pulun mənimsənilməsi müəyyən edilib.
Əməli törətməkdə şübhəli bilinən həmin şirkətdə ekspeditor işləyən 36 yaşlı C.Qubadov polis əməkdaşları tərəfindən saxlanılıb.
Hazırda faktla bağlı araşdırma aparılır.
Xəbərdən istifadə edərkən istinad etmək vacibdir.
