Abşeron rayonunda kişi arvadını döyüb.
Oxu.Az-ın məlumatına görə, rayon sakini Mənsur Azadov (soyad şərtidir) işi ilə bağlı evə gec gəlib. Bu isə onun həyat yoldaşının əsəbiləşməsinə səbəb olub. Nəticədə ər-arvad arasında mübahisə yaranıb. Mübahisə nəticəsində Mənsur stolun üstündə olan saxsı fincanla həyat yoldaşı Fəhminəyə zərbələr endirib. Zərbələrin təsirindən fincan qadının başında qırılsa da, Mənsurun əsəbləri sakitləşməyib və o, həyat yoldaşını əl və ayaq zərbələri ilə vurmağa davam edib.
Xəsarət alan qadın məsələ ilə bağlı Daxili İşlər Nazirliyinin "102" xidmətinə zəng vurub.
Faktla bağlı cinayət işi başlanıb və iş məhkəməyə göndərilib.
Ər və arvad məhkəmə istintaqı dövründə barışıblar. Məhkəmə buna görə də Mənsur Azadovu məsuliyyətdən azad edib və cinayət işinə xitam verib.
Xəbərdən istifadə edərkən istinad etmək vacibdir.
