İqtisadi Zonaların İnkişafı Agentliyinin Peşə Təhsil Mərkəzində 01.11.2024-cü il tarixində Almaniya Federativ Respublikasının Bildungswerk şirkəti ilə əməkdaşlıqda həyata keçirilən 4D Dual TWET layihəsi çərçivəsində "Performans" tələbə idarəetmə platformasının tətbiq edilməsi ilə bağlı tədbir keçirilib.
Xeberle.com məlumat verirki, tədbirdə 4D Dual TWET layihəsinin əməkdaşları, bu proqram çərçivəsində İnformasiya Kommunikasiya Texnologiyaları üzrə texnik ixtisasında təhsil alan tələbələr, onların valideynləri, CODERS şirkətinin və Mərkəzin əməkdaşları iştirak edib.
Mərkəzin Direktoru Kənan Bağırov tədbiri açıq elan edərək qonaqları salamlayıb. O, çıxışı zamanı Mərkəzin son illərdə həyata keçirdiyi uğurlu fəaliyyəti ilə bağlı tədbir iştirakçılarına geniş məlumat verib və "Performans" tələbə idarəetmə platformasının tətbiq edilməsinin əhəmiyyətini vurğulayıb.
Tədbirdə çıxış edən Almaniya Federativ Respublikasının Bildungswerk şirkətinin "4D Dual TVET" layihəsinin meneceri Mehmet Çakar İqtisadi Zonaların İnkişafı Agentliyinin Peşə Təhsil Mərkəzində həyata keçirilən bu layihənin əhəmiyyətini və qazanılan nailiyyətlərini qeyd edib, onun gələcək perspektivləri haqqında məlumat verib. "4D Dual TVET" layihəsinin partnyoru CODERS şirkətinin həmtəsisçisi Seymur Həmidov öz çıxışı zamanı yeni tətbiq olunacaq "Performans" tələbə idarəetmə mobil platforması haqqında tədbir iştirakçılarına geniş məlumat verib və proqramın praktiki istifadəsini tələbə, valideyn və əməkdaşlara izah edib. Tədbirin sonunda valideynlər tərəfindən verilən suallar cavablandırılıb.
Xəbərdən istifadə edərkən istinad etmək vacibdir.
