Bakı Slavyan Universiteti "İnnovasiya və Texnologiya üzrə rektor müşavirliyinin və "Elektron Hökumət" portalının operatoru - Rabitə və Yüksək Texnologiyalar Nazirliyinin Məlumat Hesablama Mərkəzinin (MHM) təşkilatçılğı ilə "Elektron hökumət və gənclər" adlı seminarı keçirilib. Seminarda MHM-nin və MSXM-in müdiri Arif Mailov və MHM-in şöbə müdiri İlqar Abdullayev tərəfindən Elektron Hökumətin infrastrukturu, e-xidmətlər, e-arayışlar, dövlət reyestrləri və açıq hökumət məlumatları haqda prezentasiya üzrə geniş məlumat verilib. Sözügedən seminarda həmçinin gənclərin maraq dairəsində olacaq məsələlərə də toxunulub. Seminar məruzəçiləri qeyd edib ki, portal üzərindən təqdim olunan bir çox elektron xidmətlər gənclərin yeniliyə tez uyğunlaşması, elektron xidmətlərdən mütəmadi istifadə etməsi, özləri üçün faydalı olmaqla yanaşı, cəmiyyətin elektronlaşmasına da müsbət təsir göstərəcək. Seminar məruzəçilər və BSU tələbələrinin müzakirəsi ilə yadda qalıb. Üç aktiv tələbəbələrdən biri pul mükafatı, digərləri isə hədiyyə ilə mükafatlandırılıb.
Qeyd edək ki, seminarda "İKT və Reklam” üzrə Rektor Müşavirliyinin tələbələri iştirak edib.
Xeberle.com