Dövlət İmtahan Mərkəzi I və IV ixtisas qrupları (o cümlədən III qrup üzrə DT və TC altqruplarının hər ikisini seçənlər üçün coğrafiya fənni) üzrə 1 iyun 2025-ci il tarixində keçirilmiş qəbul imtahanının nəticəsini elan edib.
Xeberle.com-un məlumatına görə, bu imtahanda IV ixtisas qrupu üzrə ən yüksək nəticəni 5 nəfər göstərib. Onlardan biri də Sumqayıt təhsilinin yetirməsidir. Belə ki, Sumqayıt şəhər Texniki və Təbiət Elmləri Liseyinin məzunu Əliyeva Fidan Ayaz qızı ən yüksək nəticəni göstərib.
Xatırladaq ki, imtahanın I mərhələsində maksimal olaraq 300, II mərhələsində isə 400 bal toplamaq mümkündür. Müsabiqə hər iki mərhələdə toplanılan balların cəminə görə aparılır.
Elşən Yəhyayev
Xəbərdən istifadə edərkən istinad etmək vacibdir.
