Noyabrın 11-də Sumqayıt şəhər Gənclər və İdman Baş İdarəsinin təşkilatçılığı ilə 9 noyabr - Azərbaycan Respublikasının Dövlət Bayrağı və 12 noyabr - Konstitusiya günü münasibətilə ümumtəhsil məktəblərinin IX-XI sinif şagirdləri arasında test müsabiqəsi keçirilib.
Baş İdarənin və Təhsil Şöbəsinin nümayəndələri tədbirdə çıxış edərək ənənəvi müsabiqələrin iştirakçıların bilik və bacarıqlarının artırılmasında, vətənpərvərəlik ruhunda tərbiyyə olunmasında, hüquqi maarifləndirilməsindəki rolundan danışıb, iştirakçılara uğurlar arzu ediblər.
Sonra şagirdlər Azərbaycan Respublikasının Konstitusiyası və Dövlət bayrağına aid sualları cavablandırıblar.
Münsiflər heyətinin qərarına əsasən 25 nömrəli tam orta məktəbin XI sinif şagirdi Könül Mehdiyeva I yerə, Texniki və Təbiət Elmləri Liseyinin X sinif şagirdi MəlahətŞükürova II yerə, 4 nömrəli tam orta məktəbin X sinif şagirdi Abbas Xəlilov isə III yerə layiq görülüb.
Müsabiqə iştirakçılarına Azərbaycan Respublikasının Konstitusiyası, qaliblərə isə Baş İdarənin fəxri fərman və hədiyyələri hədiyyə edilib.