Milli Məclisini deputatı Müşfiq Məmmədli
"Özümüzü kəşf edək” layihəsinin təqdimat mərasimində iştirak edib.
Xeberle.com xəbər verir ki, Azərbaycan Respublikası Gənclər Fondunun maliyyə yardımı ilə Əlilliyi olan uşaq və gənclərin idmana inteqrasiyası İB-nin "Özümüzü kəşf edək” layihəsinin təqdimat mərasimində Milli Məclisin deputatları Müşfiq Məmmədli, Vüqar İskəndərov, 44 günlük Vətən müharibəsi qaziləri, 26 qat dünya çempionu, 7 qat Avropa çempionu, 7 qat dünya kubokunun sahibi, 15 qat Azərbaycan çempionu, Azərbaycan Kikboksinq Federasiyasının İdarə heyətinin sədr müavini Eduard Məmmədov, Mirzə Ələkbər Sabirin nəvəsi, şairin adını daşıyan fondun rəhbəri Sevda Tahirli və ictimaiyyət nümayəndələri iştirak ediblər.
Sabunçu Gənclər Evində keçirilən tədbirdə çıxış edən "Əlilliyi olan uşaq və gənclərin idmana inteqrasiyası” İctimai Birliyinin sədri Aynur Məmmədova gələn qonaqları salamlayıb. Həyata keçirilən layihənin məqsədi barədə məlumat verib.
Deputat Müşfiq Məmmədli isə çıxışında bu tip layihələrin əhəmiyyətindən, dövlətin, xüsusən də Heydər Əliyev Fondunun fiziki məhdudiyyətli vətəndaşlara olan diqqətindən, Birinci vitse-prezident Mehriban Əliyevanın göstərdiyi qayğıdan bəhs edib.
Sonda layihə çərçivəsində fərqlənən şəxslər təltif olunub.
Xəbərdən istifadə edərkən istinad etmək vacibdir.