Azərbaycan Prezidentinin ictimai-siyasi məsələlər üzrə köməkçisi, Prezident Administrasiyası İctimai-siyasi məsələlər şöbəsinin müdiri Əli Həsənov təxminən bir ay öncə - martın 10-da 55 illlik yubileyini qeyd etdi.
Əli Həsənovun Facebook sosial şəbəkəsindəki rəsmi səhifəsi onun 55 illik yubiley tədbirindən fotolar yayıb.
Fotosessiyadan məlum olur ki, tədbirdə millət vəkilləri, tanınmış ictimai-siyasi simalar iştirak ediblər.
Qeyd edək ki, Əli Həsənov 1994-95-ci illərdə Yeni Azərbaycan Partiyasının ideologiya şöbəsinin müdiri olub. 1995-ci ilin sentyabrında Prezidentin İcra Aparatının İctimai-siyasi şöbəsinə müdir müavini təyin olunub. 1996-cı ildən isə bu şöbəyə rəhbərlik edib. 
2005-ci ildən şöbə Azərbaycan Respublikası Prezidentinin Administrasiyasının İctimai-siyasi məsələlər şöbəsi adlanır.
Əli Həsənov 1-ci dərəcəli dövlət müşaviridir. Azərbaycan Respublikası Prezidentinin 9 mart 2010-cu il tarixli sərəncamı ilə 1-ci dərəcəli "Vətənə xidmətə görə" ordeni ilə təltif olunub.
Azərbaycan Prezidenti İlham Əliyevin 23 fevral 2015-ci il tarixli sərəncamı ilə Əli Həsənov Azərbaycan Respublikası Prezidentinin ictimai-siyasi məsələlər üzrə köməkçisi təyin edilib.
PA rəsmisinin yubiley tədbirindən çəkilmiş həmin fotoları təqdim edirik.(Modern.az)