Sumqayıt şəhər Gənclər və İdman Baş İdarəsi, Sumqayıtın Tarixi Muzeyi və 1 saylı Sumqayıt regional "ASAN xidmət” Mərkəzinin birgə təşkilatçılığı ilə Ümummilli lider Heydər Əliyevin 100 illik yubileyinə həsr edilmiş "Heydər Əliyev və Azərbaycan gəncliyi” mövzusunda dəyirmi masa təşkil edilmişdir.
Əvvəlcə qonaqlar Muzeyin foyesində dahi şəxsiyyət Heydər Əliyevə aid güşəyə baxış keçirmişlər. Dəyirmi masa ətrafında davam edən tədbirdə Ümummilli Liderin və torpaqlarımızın ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilmiş, Ulu öndər Heydər Əliyevin şərəfli həyat yolundan bəhs edən qısametrajlı film izlənilmişdir.
Tədbirdə Sumqayıt şəhər Gənclər və İdman Baş İdarəsinin rəisi Elgün Hümbətov çıxış edərək Ümummilli Lider Heydər Əliyev tərəfindən əsası qoyulmuş dövlət gənclər siyasətindən, onun gənc nəslə olan diqqət və qayğısından və müstəqilliyin qorunub saxlanılması istiqamətindəki əvəzsiz xidmətlərindən danışmışdır.
Digər çıxış edənlər Sumqayıtın Tarixi Muzeyinin direktoru Aygün Zülfüqarlı, 1 saylı Sumqayıt regional "ASAN xidmət” mərkəzinin direktor müavini Əjdər Quluzadə, Vətən müharibəsi qazisi, polkovnik-leytenant Ehtiram Məmmədov, Afina Yay Olimpiya oyunlarının bürünc medalçısı Fuad Aslanov, gənc müəllim Nigar Vəliyeva və YAP Gənclər birliyinin şəhər bölməsinin sədri Fəridə Qafarova da Ümummilli Liderin fəaliyyətinin daim xalqın, dövlətin mənafeyinə xidmət etdiyini vurğulamışlar.
Xəbərdən istifadə edərkən istinad etmək vacibdir.
