![“Azərbaycan mətbuatında region mətbuatı anlayışı yerli saytlardır” – QULU MƏHƏRRƏMLİ “Azərbaycan mətbuatında region mətbuatı anlayışı yerli saytlardır” – QULU MƏHƏRRƏMLİ](/uploads/posts/2024-07/medium/1721830970_mg-20240724-wa0067.jpg)
Bir neçə gün öncə Azərbaycan mətbuatı 149 yaşını qeyd etdi. Əlbəttə ki, Milli mətbuatımızın yaranması günü xalqımız və cəmiyyətimiz üçün bayramıdır. Müasir dövrdə informasiya texnologiyalarının inkişafı Azərbaycan mətbuatını qlobal informasiya şəbəkəsinin bir hissəsinə çevirmişdir. Yeni dövr Milli mətbuatımızın inkişafı ilə bağlı qanunvericilik bazasının təkmilləşdirilməsini zərurətə çevirir. Hazırda media məkanında sürətli qloballaşma prosesi gedir.
Prezident İlham Əliyevin media islahatlarının dərinləşdirilməsi ilə bağlı imzaladığı sərəncamdan da görün¬düyü kimi, dövlətimiz mətbuat sahəsində dövrün çağırışlarına cavab verən təşəb¬büslər dəstəkləyir, cəmiyyət və media strukturları arasında etimad mühitinin gücləndirilməsinə mühüm önəm verir.
Bəs, ölkəmizdə region mediasının hazırkı vəziyyəti və perspektiv inkişaf istiqamətləri ilə bağlı hansı addımlar atılır?
Mövzu ilə bağlı əməkdar jurnalist, tanınmış telejurnalist və publisist, professor Qulu Məhərrəmli Xeberle.com-a deyib ki, Bu günki Azərbaycan mətbuatında region mətbuatı anlayışı anacaq yerli saytlardır:
"Əvvəllər biz region mediası ifadəsini işlədəndə bölgələrdə çıxan qəzetləri nəzərdə tuturduq. Bunların da sayı çox deyildi. Mingəçevir və Gəncədə çıxan qəzetlər fəaliyyətini dayandırdı. Son dövrlərə qədər isə Zahir Əmənovun redaktorluğu ilə "Cənub xəbərləri” qəzeti çıxırdı. Şəkidə də qəzet çıxırdı. Hazırda onun nəşri ilə bağlı problemlər var. Bunlar hamısı reallıqdır. Amma internet ortaya çıxandan sonra, artıq region mətbuatı anlayışının özü də aradan qalxır. Çünki, Lənkəranda, Lerikdə yaxud da Şəkidə internetə qoyduğunuz xəbər Kaliforniyada, Fransada yaxud da Böyük Britaniyada dərhal oxunur. Ona görə də region mətbuatı anlayışı tədricən aradan qalxır. Bu günki Azərbaycan mətbuatında region mətbuatı anlayışı yerli saytlardır. Bura Sumqayıtda fəaliyyət göstərən saytları, "Cənub xəbərlər" saytlarını qeyd edə bilərik. Bunların ümumi çəkisi ümumi media seqmentində çox da yüksək deyil. Arzu edərdik ki, yerli qəzetlər və saytlar aktiv işləsin. Yerli həyatı işıqlandırsınlar və biz də məlumatları ordan əldə edə bilək. Ümumiyyətlə, bu bizim diqqət yetirəcəyimiz mühüm istiqamətlərdən biridir. Media siyasətində buna önəm verməliyik”.
Elşən Yəhyayev
Xəbərdən istifadə edərkən istinad etmək vacibdir.