Füzuli rayon İcra Hakimiyyətinin başçısı Alı Alıyev Sumqayıt şəhərindəsəyyar görüş keçirib.

Görüşdə rayonun idarə, müəssisə və hüquq mühafizə orqanlarının rəhbərləri, ictimaiyyət nümayəndələri, eyni zamanda Sumqayıt Şəhər İcra Hakimiyyətinin ictimai-siyasi şöbəsinin müdiri Seyfəddin Rəhimov iştirak edib.

Səyyar qəbulda çıxış edən Alı Alıyev bu cür görüşlərin ölkə başçısı İlham Əliyevin tapşırığı ilə mütəmadi keçirildiyini bildirib.

A.Alıyev qeyd edib ki, vətəndaşların müraciətlərinə baxılmasında əsas prinsip qaldırılmış problemlərin yaranma səbəblərinin, bu sahədə nəzərəçarpan nöqsanların dərhal aradan qaldırılması, aşkarlığın və obyektivliyin, ən başlıcası isə insana qayğının təmin edilməsidir.

Vətəndaşların müraciətləri təkcə onların problemlərinin həllinə deyil, eyni zamanda ölkənin inkişafına təkan verən əsas amillərdən biri olduğunu vurğulayan Alı Alıyev Prezident İlham Əliyevin vətəndaş müraciətlərinə həssas münasibət göstərmək barədə tapşırıqlarının Füzuli rayonunda birmənalı olaraq diqqət mərkəzində saxlanıldığını qeyd edib.

Alı Alıyev bildirib ki, cəbhə xəttinin bir neçə yüz metrliyində yerləşən Qazaxlar, Mirzənağılı və Əhmədalılar kəndlərinin fasiləsiz işıq, su, qaz və yol ilə bağlı sosial qayğıları tam həll olunub, əhali məcburi köçkünlər üçün nəzərdə tutulan bütün imtiyazlardan istifadə edirlər.

Qazaxlar və Mirzənağılı kəndlərində məktəb fəaliyyət göstərir, 2015-ci ildə uşaq bağçasının olmasına işarə vuraraq,ə başlanacaq, Əhmədalılar kəndində isə məktəb, uşaq bağçası, xəstəxana, kitabxana, poçt məntəqəsi, mədəniyyət evi fəaliyyət göstərir. Hər üç kənddə torpaq islahatı aparılıb, hər bir kənd sakini pay torpağı ilə təmin olunub.

Daha sonra çıxış edən Sumqayıt Şəhər İcra Hakimiyyətinin ictimai-siyasi şöbəsinin müdiri Seyfəddin Rəhimov ilk öncə Sumqayıt Şəhər İcra Hakimiyyətinin başçısı Eldar Əzizovun salamlarını rayon rəhbərliyi və ictimaiyyətinə çatdıraraq Sumqayıt şəhərində məskunlaşmış Füzuli rayon məcburi köçkünlərinə xüsusi diqqət ayrıldığını, onların problemlərinin həll olunması istiqamətində işlər görüldüyünü vurğulayıb

Sonra səyyar qəbulda Alı Alıyev Sumqayıtda məskunlaşmış Füzuli rayon məcburi köçkünlərinin müraciətlərini dinləyib.

Sakinlər tərəfindən qaldırılan məsələlərin əksəriyyəti A.Alıyevin göstərişi ilə yerindəcə həll edilib, digərləri isə həll edilməsi üçün nəzarətə götürülüb.

Səyyar qəbul zamanı çıxış edən sakinlərs göstərilən diqqət və qayğıya görə rayon icra başçısına və ölkə rəhbərliyinə minnətdarlıqlarını bildiriblər.

Səyyar qəbul-görüşü yekunlaşdıran Alı Alıyev ölkə başçısının Füzuliyə və füzulililərə olan diqqət və qayğısından danışıb, rayonda görülməsi planlaşdırılan işlərdən bəhs edib.

Qeyd edək ki, Füzuli rayon İcra başçısı Alı Alıyev Sumqayıtdakı görüşündən sonra Müşviqabat, Mehdiabad və Bakıda yaşayan rayon sakinləri ilə görüşəcəyini qeyd edib.  (salamnews.org)