İqtisadi Zonaların İnkişafı Agentliyinin Peşə Təhsil Mərkəzi ilə Azərsun Holdinq arasında əməkdaşlığa dair Anlaşma Memorandumu imzalanıb.
İqtisadi Zonaların İnkişafı Agentliyinin Peşə Təhsil Mərkəzi ilə Azərsun Holdinq arasında 3 oktyabr 2024-cü il tarixində əməkdaşlığa dair Anlaşma Memorandumu imzalanıb. Sənədi Peşə Təhsil Mərkəzinin direktoru Kənan Bağırov və Azərsun Holdinqin direktoru Mehmet Savaş Uzan imzalayıblar.
Əməkdaşlıq çərçivəsində əmək bazarının tələblərinə uyğun kadrların hazırlanması məqsədilə təlimlər təşkil ediləcək, tədris planları və tədris proqramları təkmilləşdiriləcək, fəaliyyət sahələrinə uyğun gələn müvafiq peşə və ixtisaslar üzrə qısa müddətli kurslar təşkil ediləcək, həmçinin Holdinq tərəfindən yaradılan müxtəlif imkanlardan yararlana biləcəklər.
İmzalanan sənədin məqsədi qarşılıqlı anlaşma əsasında tələbələrin işlə təmin olunması, birgə tədbirlərin təşkili, təhsil alanların bilik və bacarıqlarının davamlı inkişafının təmin edilməsi ilə bağlı layihələrin birgə icrası sahələrində əməkdaşlıqdan ibarətdir.
Xəbərdən istifadə edərkən istinad etmək vacibdir.
