Sumqayıtda 50-AF-342 nömrəli "7" saylı avtobusla bağlı çoxsaylı şikayətlərin olmasıyla bağlı məlumat vermişdik.
Belə ki, nəqliyyat vasitəsinin sürücüsü avtobusun arxa qapılarını bilərəkdən açmayaraq, sərnişinlər arasında kütləvi narazılığa səbəb olur. Bəzən bunun münaqişəyə də səbəb olduğu bildirilir. Sərnişinlərin bildirdiyinə görə bu hal xüsusən də Sumqayıt avtovağzalının yanında müşahidə edilir.
Qeyd etmişdik ki, səhər saatlarında avtobus dolu olmağına rəğmən sözügedən avtobusun sürücüsü arxa və orta qapıları açmır. Nəticədə bu da sərnişinlərin kütləvi narazılığına gətirib çıxarır.
Məlumata görə, 50-AF-342 saylı avtobus yüksək sürət səbəbindən fevral ayında digər bir sərnişin avtobusu ilə də toqquşub.
Məsələylə bağlı AYNA-dan Xeberle.com-a açıqlama verilib. Qeyd olunub ki, daşıyıcıya sərnişindaşıma qaydalarına ciddi riayət etməyi və araşdırma apararaq sürücü barədə müvafiq tədbir görməklə bağlı tapşırıq verilib.
Daha sonra "7” və "7a” nömrəli avtobus xətlərinə cavabdeh şəxslə əlaqə saxladıq. Kalon rəisi Məhəbbət bəy açıqlama verib ki, sürücü barədə müvafiq tədbir görülüb və 100 AZN cərimə edilib.
Xəbərdən istifadə edərkən istinad etmək vacibdir.
