Bu gün Sumqayıt Dövlət Rəsm Qaleryasında şəhər məktəblərinin, ibtidai sinif şagirdlərinin "1 iyun Uşaqların Beynəlxalq Müdafiəsi günü"nə həsr edilmiş "Rəngli dünyamız" adlı sərgisi təşkil edilib.
Sərgi Sumqayıt Dövlət Rəsm Qalereyası və Mədəniyyət İşçiləri Həmkarlar İttifaqı Sumqayıt Komitəsi tərəfindən təşkil olunub. Sərginin keçirilməsində məqsəd körpə fidanları təbrik etmək, vaxtlarının rəngarəng və maraqlı keçirilməsinə şərait yaratmaqdır. Sərgidə 19-a yaxın əl işlərindən ibarət rəsm nümayiş olunub.
Tədbirdə Sumqayıt Olimpiya Kompleksini yetirməsi olan gimnast qizların rəqsləri yaşıdlarının marağına səbəb olub.
Sərgidə iştirak edən balaca rəssamlar Sumqayıt şəhər Mədəniyyət və Turizm idarəsi və Mədəniyyət işçiləri Həmkarlar İttifaqı Sumqayıt Komitəsi tərəfindən hədiyyələr və fəxri fərmanlarla təltif olunublar.
Xeberle.com