Sumqayıt şəhəri, Nəriman Nərimanov küçəsində piyada səkisi zəbt olunub.
Xeberle.com məlumat verir ki, bununla bağlı sakinlər şikayət ediblər.
Qeyd olunub ki, səkinin üstündə dəmir konstruksiyalar quraşdırılmaqla hansısa obyekt tikilir.
"Burada obyekt tikiləndə biz gərək avtomobil yolu ilə hərəkət edək", - deyə sakin bildirib.
Məsələ ilə bağlı Sumqayıt Şəhər İcra Hakimiyyətindən Oxu.Az-ın sorğusuna cavab olaraq bildirilib ki, ərazidə yüngül konstruksiya quraşdırma işləri aparılır.
"Müvafiq sənədlər mövcuddur, inşaat pasportu alınıb və obyekt öz istifadəsindədir. Uzun illərdir ki, fəaliyyət göstərir və yeni layihəyə uyğun şəkildə təkmilləşdirilir", - deyə məlumatda bildirilib.
Xəbərdən istifadə edərkən istinad etmək vacibdir.
