Azərbaycan Respubilkasının Prezidenti yanında Gənclər Fondunun maliyyə dəstəyi ilə Bakı şəhərində “Həyatda uğur qazanmaq üçün “üç addım” adlı layihə həyata keçirilib. Layihənin açılış mərasimində Rəhimov Rahim çıxış edərək, layihə haqqında məlumat verib. O, bildirib ki, layihənin keçirilməsində məqsəd , əlilliyi olan gənclərin cəmiyyətə inteqrasiyası və sosiallaşmasını təmin etməkdən ibarətdi. Daha sonar Azərbaycan Respubilkasının Prezidenti yanında Gənclər Fondunun nümayəndəsi Emil Yusifov cıxış edərək layihənin gedişini müsbət qiymətləndirib və həmin əlil gənclər dahada aktiv olaraq onlarında Gənclər fondduna fərdi olaraq layihə təqdim etmə hüquqlarının olduğunu bildirdi.

Layihə beş mərhələdən ibarət olub. Müxtəlif günlərdə keçirilməklə layihə planlı şəkildə davam edib. Layihə çərçivəsində iştirakçılara ilk olaraq “Həyata gülümsə, çünki o sənin dostundur” adlı təlim keçirilib. Daha sonra iştirakçıların dünyagörüşünün artırılması məqsədi ilə "Qala" Dövlət Tarix Etnoqrafiya Qoruğuna səfər təşkil olunub. “Həyatda uğur qazanmaq üçün “üç addım” layihəsinin üçüncü mərhələsində “Böyük düşün, sonrasını seyr et” adlı təlim keçirilib. Layihənin davamı olaraq əlilliyi olan gənclərin cəmiyyətə inteqrasiyası və sosiallaşmasını təmin etmək məqsədi ilə teatra səfərləri təşkil olunub. Sonuncu gün isə psixoloqla iştirakçıların görüşü təşkil olunub və iştirakçılara sertifikatlar təqdim olunub.

“Həyatda uğur qazanmaq üçün “üç addım” layihəsi layihə rəhbəri Rahim Rəhimov və işçi qrupu, Araz Əhmədov, Bənövşə Qasımlı tərəfindən uğurla başa çatıb.