Milli Məclisin deputatı Səbinə Salmanova Sumqayıt Kimya Sənaye Parkının nəzdində fəaliyyət göstərən "Agro‑Tech Solutions” MMC-ni ziyarət edib.
Xeberle.com xəbər veror ki, şirkətin direktoru Eldar Adilzadə müəssisənin fəaliyyəti və məhsullar barədə deputata ətraflı məlumat verib. Daha sonra onunla birlikdə zavodun ərazisini gəzib və kollektivlə səmimi söhbət aparıblar.
Beləliklə görüş zamanı aşağıda qeyd olunan nəticələr hasil olub:
Eldar Adilzadənin verdiyi məlumata əsasən, hazırda şirkət tərəfindən müxtəlif növ pestisitlərin satışı həyata keçirilir.
Yaxın zamanda müəssisədə gübrə və pestisit istehsalı üçün müasir avadanlıqların quraşdırılması və yüksək istehsal şəraitinin yaradılması nəzərdə tutulur.
Bu mərhələdə 300-ə yaxın yeni iş yerinin açılması planlaşdırılır. Sevindirici haldır ki, həmin iş yerlərinin böyük əksəriyyəti Sumqayıt sakinləri üçün nəzərdə tutulub.
Səbinə Salmanova bir daha yüksək qonaqpərvərliyə və səmimi qarşılanmaya görə E.Adilzadəyə təşəkkür edib, rəhbərlik etdiyi kollektivə uğurlar arzulayıb.
Xəbərdən istifadə edərkən istinad etmək vacibdir.
