Rəqəmsal texnologiyaların inkişafı ilə yanaşı, informasiya mühitində baş verən cinayətlərin – yəni kibercinayətlərin sayı sürətlə artır. Kibercinayət anlayışı ən ümumi mənada kompüter sistemləri, şəbəkələr və rəqəmsal məlumatların qanunsuz şəkildə ələ keçirilməsi, dəyişdirilməsi və ya məhv edilməsi ilə bağlı hüquqa zidd əməlləri əhatə edir.
Bu cinayətlərin araşdırılması zamanı ən böyük çətinlik sübutların toplanması, qorunması və hüquqi cəhətdən qəbul edilə bilən formaya salınmasıdır.
Mövzu ilə bağlı Azərbaycanın tanınmış vəkillərindən olan, Azərbaycan Vəkillər Kollegiyasının üzvü Avraam Berman mediamıza etrafli açıqlama verib.
O, bildirib ki, Kibercinayətlərin sübut bazası rəqəmsal texnologiyalarla sıx bağlıdır və bu sahədə səmərəli hüquqi nəzarətin təşkili üçün Hüquq-mühafizə orqanlarının texniki hazırlığı artırılmalı, rəqəmsal sübutların toplanması üzrə vahid protokollar və metodiki göstərişlər hazırlanmalı, beynəlxalq əməkdaşlıq mexanizmləri gücləndirilməlid.
Kibercinayətlərin mahiyyəti və növləri elektron mühitdə gizli şəkildə törədilməsi, cinayətkar fiziki məkan baxımından istənilən ölkədə yerləşməsi və icra müddəti qısa, izi isə tez silinə bilən qədər aparıla bilər.
Dünya praktikasında kibercinayətkarlıqla mübarizədə ən tanınmış hüquqi akt Budapeşt Konvensiyası (Avropa Şurasının Kibercinayət Konvensiyası) hesab olunur. Konvensiya sübutların transsərhəd əldə olunması, elektron məlumatların təcili qorunması və dövlətlərarası əməkdaşlıq mexanizmini müəyyənləşdirir.
Sonda qeyd edərək, rəqəmsal dünya inkişaf etdikcə, hüquqi sistemin də bu ritmə uyğunlaşması qaçılmaz olduğunu bildirib.
Xəbərdən istifadə edərkən istinad etmək vacibdir.
