Sumqayıt şəhərinin 13-cü mikrorayon ərazisində yerləşən uşaq bağçasının həyətində sahibsiz itlərin dolaşması valideynlərin və bağça heyətinin narahatlığına səbəb olub.
Yerli sakinlərin Xeberle.com-a bildirdiyinə görə, son günlər bağçanın ətrafında bir neçə it müşahidə edilib və onların bəzən aqressiv davrandığı bildirilir.
Valideynlər uşaqların həyatı üçün ciddi təhlükə yarandığını vurğulayaraq aidiyyəti qurumlardan məsələyə dərhal müdaxilə etmələrini istəyirlər. Onlar hesab edirlər ki, bu cür halların qarşısı vaxtında alınmazsa, xoşagəlməz hadisələr baş verə bilər.
Məsələ ilə bağlı yerli icra orqanlarının və baytarlıq xidmətlərinin hərəkətə keçəcəyi gözlənilir.
Xəbərdən istifadə edərkən istinad etmək vacibdir.
