"Hər dəfə deyirik ki, bu il yəqin sənədləşmə məsələsi ilə bağlı sonuncu il olacaq, bu istiqamətdə addımlar atılır, qərarla bağlı istəyə yaxınlaşırıq və s. Amma hər il daxil olur və bitir, proses isə eyni yerdə dayanıb".
Bunu açıqlamasında əmlak məsələləri üzrə ekspert Ramil Osmanlı sənədsiz evlərlə bağlı məsələdən danışarkən deyib. O bildirib ki, sənədləşmə məsələsi kifayət qədər ciddi nəticələrə gətirib çıxara bilər:
"Bir tərəfdən hüquqi, digər tərəfdən isə iqtisadi baxımdan geniş müsbət təsirləri ola bilər. İnsanların qeydiyyat probleminin həll olunmasına öz töhfəsini verər. Həmçinin, daşınmaz əmlakın qeydiyyatı, daşınmaz əmlak üzərində aparılan əməliyyatlar, notariat və digər əməliyyat rüsumlarını nəzərə alsaq, iqtisadi baxımdan səmərəli hesab olunan addımlardır. Düşünürəm ki, bu istiqamətdə qərar qəbul olunmalıdır. İllərlə bu istiqamətdə proses getsə də, görünən odur ki, məsələni tam şəkildə həll etmək mümkün olmayıb. Nə sənədsiz evlərin sənədləşdirilməsi, nə də onun qarşısının alınması istiqamətində problemi həll etmək mümkün olmadı. Bu mənada hesab edirəm ki, bu qərar qəbul olunmalıdır".(Unikal)

Xəbərdən istifadə edərkən istinad etmək vacibdir.