Sumqayıt şəhəri, Corat qəsəbəsi, 2-ci məhəllədə yerləşən Əliağa Vahid küçəsinin sakinləri illərdir həllini tapmayan problemlərlə üz-üzə qalıb.
Xeberle.com-un məlumatına görə, küçənin yol örtüyü tamamilə dağılıb, normal hərəkət demək olar ki, mümkünsüzdür.
Sakinlərin sözlərinə görə, yağış yağan kimi küçədə iri gölməçələr yaranır, nə piyadaların, nə də avtomobillərin hərəkəti mümkün olur. Xüsusilə yaşlılar, uşaqlar və məktəblilər üçün bu vəziyyət ciddi çətinlik yaradır.
Məsələ ilə bağlı dəfələrlə aidiyyəti qurumlara rəsmi müraciətlər edilsə də, indiyədək heç bir real nəticə əldə olunmayıb.
Küçə illərdir baxımsız vəziyyətdə qalır və sakinlər özlərini unudulmuş hesab edirlər.
"Artıq bezmişik, bilmirik dərdimizi kimə deyək. Bu küçəyə baxan yoxdur,” – deyə sakinlər narazılıqlarını bildirirlər.
Sakinlər aidiyyəti qurumlardan problemin yerində araşdırılmasını və Əliağ Vahid küçəsinin təmir edilərək normal vəziyyətə gətirilməsini xahiş edirlər.
Xəbərdən istifadə edərkən istinad etmək vacibdir.
