Mən, Pəri Yusifova sizə bir ana olaraq böyük ümid və eyni zamanda dərin çarəsizlik hissi ilə müraciət edirəm. Bu sətirləri yazarkən tək istəyim övladımın yaşamaq və sağlamlığına qovuşmaq şansının itirilməməsidir. Ümid edirəm ki, səsim eşidiləcək və balam üçün bir ümid işığı yanacaq.
Oğlum, Yusifli Camal Yasin oğlu, ağır dərəcəli (I qrup) serebral iflic və epilepsiya xəstəliklərindən əziyyət çəkir. O, yeriyə bilmir, otura bilmir, danışa bilmir və həyatının hər anında xüsusi tibbi nəzarətə, müalicəyə və reabilitasiyaya ehtiyac duyur.
Həkimlər tərəfindən ona mütəmadi olaraq dərman müalicələri, masajlar, fizioterapiya, xüsusi idman hərəkətləri və botoks iynələri təyin edilib. Bu müalicələrin hər biri ayrı-ayrılıqda vacibdir və dayandırılması övladımın vəziyyətini daha da ağırlaşdırır. Təəssüf ki, maddi imkanlarımız çox məhduddur və bu qədər bahalı və davamlı müalicələri qarşılamaq gücündə deyilik.
Son günlər Camalın vəziyyəti daha da pisləşib. O, gün ərzində halsız olur, yeməkdən sonra uzun müddət yatır. Yeni doğulan uşaqlar üçün nəzərdə tutulmuş analizlərdən keçirilib və nəticələr göstərib ki, orqanizmində bir çox vitaminlər kəskin şəkildə aşağıdır. Bu isə əlavə müalicə və vitamin terapiyasını zəruri edir.
Bir ana kimi hər gün övladımın çəkdiyi ağrıları, əzabları görmək mənim üçün dözülməzdir. Mən sadəcə istəyirəm ki, balamın əzabları bir az da olsa azalsın, həyat keyfiyyəti yaxşılaşsın.
Bu səbəbdən xeyirxah insanlara müraciət edərək, Camalın müalicəsi və reabilitasiyası üçün maddi dəstək göstərməyinizi xahiş edirəm. Sizin edəcəyiniz hər bir yardım bir uşağın həyatına ümid, bir ailəyə isə sevinc gətirə bilər.
Camalın bütün tibbi sənədləri, analiz nəticələri, həkim rəyləri və videoları mövcuddur. İstəyən şəxslər uşaqla bağlı məlumatları yerindəcə görə və həkimlə əlaqə saxlaya bilərlər.
Əlaqə nömrəsi (WhatsApp var): 055 661 37 81
Kart nömrəsi: 4169 7388 5291 6208
Xahiş edirəm, bu müraciəti cavabsız qoymayın. Allah rizası üçün, imkanınız daxilində kömək edin. Sizin dəstəyiniz Camal üçün yaşamaq şansı deməkdir.
Xəbərdən istifadə edərkən istinad etmək vacibdir.
