Sumqayıtda 3 ay əvvəl dünyaya gələn körpə ağır xəstəlikdən xilas edilib. Həyat uğrunda mübarizə aparan körpənin yaşama şansının son dərəcə az olduğu bildirilsə də, həkimlərin peşəkar müdaxiləsi nəticəsində onun həyatı xilas olunub.
Xeberle.com-un məlumatına görə, körpənin müalicəsində Sumqayıt Perinatal Xəstəxanasının həkimi Günel Əsgərova və 5 saylı Uşaq Xəstəxanasının həkimi Səbinə Əliyeva xüsusi rol oynayıb. Həkimlərin koordinasiyalı və vaxtında göstərdikləri tibbi yardım nəticəsində vəziyyəti ağır olan körpə həyata qaytarılıb.
Bu barədə jurnalist Elvin Basqallı sosial şəbəkə hesabında paylaşım edib. O, həkimlərin peşəkarlığını və fədakarlığını yüksək qiymətləndirərək, onların sayəsində bir körpənin yenidən yaşamaq şansı qazandığını qeyd edib.
Hazırda körpənin evə buraxıldığı bildirilir.
Xəbərdən istifadə edərkən istinad etmək vacibdir.
