Saray qəsəbəsində antisanitar vəziyyət sakinlərin narazılığına səbəb olub. Belə ki, qəsəbənin Samid İmanov küçəsi 147 ünvanının ətrafında məişət tullantıları uzun müddətdir yığışdırılmır.
Sakinlərin Xeberle.com-a bildirdiyinə görə, bəzi insanlar zibilləri müəyyən olunmuş yerlərə deyil, hara gəldi atırlar. Nəticədə ərazidə böyük zibillik yaranıb və bu da həm xoşagəlməz qoxuya, həm də antisanitar vəziyyətə səbəb olur.
Bildirilib ki, ərazi uzun müddətdir təmizlənmir və tullantılar günbəgün artır. Sakinlər məsələ ilə bağlı aidiyyəti qurumların müdaxilə etməsini və ərazinin təmizlənməsini xahiş edirlər.
Xeberle.com
Xəbərdən istifadə edərkən istinad etmək vacibdir.
