Azərbaycan - İsrail dostluq münasibətlərinin davamı SAĞLAMLIQ MARAFONU davam edir.
Bu gün Sumqayıtda Azərbaycan - İsrail Tibb Mərkəzinin xətti ilə "UĞUR” klinikasında Beynəlxalq Diaspora Mərkəzinin (BDM) təşəbbüsü ilə və Sumqayıt İcra Hakimiyyətinin, "Vətəndaşların Sosial Rifahının Gücləndirilməsinə Dəstək" İctimai Birliyinin (VSRGDİB), "Əlil Sahibkarlar Təşkilatı" İctimai Birliyinin (ƏSTİB), Əlil Təşkilatlar İttifaqının (ƏTİ) və Əlil Qadınlar Cəmiyyəti İctimai Birliyinin (ƏQCİB) birgə təşkilatçılığı ilə növbəti "AÇIQ QAPI" XEYRİYYƏ AKSİYASI keçirilib. Aksiyanın məqsədi imkansız və əlilliyi olan şəxslərin pulsuz tibbi müayinəsi olub. Xeyriyyə aksiyasından 71 (ümumən 289 nəfər) nəfər əlilliyi olan və imkansız şəxslər faydalanaraq pulsuz tam tibbi müayinədən keçiblər.
Tədbirə İsrailin Baş nazirinin beynəlxalq məsələlər üzrə köməkçisi, İsrail Beynəlxalq Təhlükəsizlik Cəmiyyətinin və İsrail Beynəlxalq Diplomatiya Mərkəzinin sədri Mendi Safadi, Beynəlxalq Diaspora Mərkəzinin sədri İsmayıl Ağayev və  Yaxın Şərq azərbaycanlılarının Konqresinin prezidenti, xoşməramlı səfir Aleks Şapiro-Suliman da qatılıblar.
Belə aksiyaların ölkənin digər regionlarında da keçirilməsi planlaşdırılır.
Azərbaycan - İsrail Tibb Mərkəzi ənənələrinə sadiq qalaraq ilkə imza atıb,hümanistlik missiyasını DAVAMLI reallaşdırmaqdadır və bu qəbil xeyriyyəçilik tədbirlərində əlilliyi olan şəxslərlə bərabər Azərbaycanımızın müstəqilliyi uğrunda sağlamlığını itirmiş çoxsaylı müharibə iştirakçısı qazilərimiz də faydalanmasına şərait yaratmaqdadır.
Xeberle.com