Tusi-Bohm Planetariumu, Təhsil Nazirliyi Respublika Ekoloji Tərbiyə və Təcrübəçilik Mərkəzi, Elmin İnkişaf Mərkəzi və "EkoSfera” təşkilatının birgə əməkdaşlığı ilə BMT tərəfindən hər il bütün dünyada qeyd olunan "Ümumdünya Kosmos Həftəsi” çərçivəsində 4-10 oktyabr tarixlərində maarifləndirmə həftəsi keçirildi. Bir həftə ərzində planetariumda məktəblilərin müəyyən yaş qruplarına uyğun tərtib olunmuş proqramlar üzrə kosmos və astronomiyaya aid maraqlı mühazirələr, astronomik gecələr, interaktiv müzakirələr təşkil və videofilmlər nümayiş etdirildi.
Sumqayıt Ekoloji Tərbiyə və Təcrübəçilik Mərkəzinin 36 nəfər dərnək üzvü bu tədbirdə iştirak etdi. Bütün tədbirlər məktəblilər üçün ödənişsiz və tədbir iştirakçılarına maraqlı hədiyyələr təqdim olundu.
Xeberle.com