Jurnalist hüququndan sui-istifadəyə görə cəzalar sərtləşdirilir.
Modern.az xəbər verir ki, Milli Məclisin Hüquq siyasəti və dövlət quruculuğu komitəsində bununla bağlı "İnzibati Xətalar Məcəlləsinin dəyişiklik edilməsi haqqında” qanun layihəsi müzakirə olunub.
Dəyişikliyə əsasən, kütləvi informasiya vasitələrinin redaksiyası (məsul redaktoru) və jurnalistlər (müəlliflər) tərəfindən kütləvi informasiya azadlığından və jurnalist hüquqlarından sui-istifadə etməyə fiziki şəxsrlər iki yüz manatdan üz yüz manatadək məbləğdə, vəzifəli şəxslər beş yüz manatdan yeddi yüz manatadək məbləğdə, hüquqi şəxslər iki min manatdan üç min beş yüz manatadık məbləğdə cərimə ediləcək.
Xatırladaq ki, hazırda fiziki şəxslər 20 manatdan 25 manatadək miqdarda, vəzifəli şəxslər 60 manatdan 80 manatadək miqdarda, hüquqi şəxslər 200 manatdan 250 manatadək miqdarda cərimə edilir.
Qeyd edək ki, yenidən hazırlanan layihə 40 fəsil, 608 (hazırki 458) maddədən ibarətdir.
Xəbərdən istifadə edərkən istinad etmək vacibdir.