Millət vəkili Qənirə Paşayevanın dəvəti ilə Azərbaycanda səfərdə olan Çorum vilayəti rəsmilərindən ibarət heyət Sumqayıt şəhərində olublar və şəhərin icra baçısı Zakir Fərəcov və bələdiyyə sədri ilə görüşüblər.

Görüş zamanı Sumqayıtla Çorumun qardaş bələdiyyələr olması,əməkdaşlığın genişləndirilməsi istiqamətində vacib müzakirələr olub. Çorum heyəti yaxın zamanlarda Çorumda salınacaq Şuşa Parkı və Laçın küçəsi ilə də bağlı məlumat veriblər və Sumqayıtla geniş tanış olublar.

Çorum rəsmiləri Sumqayıta səfər çərçivəsində Qarabağ Qaziləri Cəmiyyyətinin ofisində təşkilatın Sumqayıt şəhər üzrə sədri Mübariz Quliyev və digər Qarabağ qaziləri ilə də görüşüb və geniş fikir mübadiləsi aparıblar və Azərbaycan hər zaman Türkiyənin yanında olduğu kimi Türkiyə də hər zaman Azərbaycanın yanındadır deyiblər.