Azərbaycan Respublikasının Prezidenti yanında Gənclər Fondunun maliyyə dəstəyilə Vasif Musayev tərəfindən Quba rayonunda həyata keçirilən "Milli mədəni irsimiz olan xalçaçılıq sənətinin qorunması” layihəsinin icrası davam edir.

Layihə çərçivəsində növbəti sərgi keçirilmişdir.

Quba Ticarət Yarmarkasında təşkil olunmuş sərgini giriş sözü ilə layihə rəhbəri Vasif Musayev açıb. V. Musayev layihənin donoru olan Gənclər Fondu və onun yaranmasından, həyata keçirilən layihənin məqsədindən danışmışdır. Layihə rəhbəri layihənin 7 xalçaçılıq məktəbindən biri olan Quba rayonunda icrasını xüsusi olaraq vurğulamış, Azərbaycan xalçalarının Dünya mədəniyyətinə təsirini artırmaq üçün və dünyada Azərbaycan xalçası kimi təmsil olunması üçün xalçaçılıq sənətinin qorunmasına ehtiyac olduğunu qeyd etmişdir.

Ekspert sərgidə nümayiş olunan Quba xalçalarının ən parlaq kompozisiyaları "Qədim-Minarə xalçası", "Qımıl xalçası", "Alpan xalçası", "Qollu-çiçi xalçası", "Pirəbədil xalçası", "Hacıqayıb xalçası", "Qırız xalçası", "Cek xalçası" və digəriləri haqqında geniş məlumat vermiş və tədbirdə iştirak edənlərin suallarını cavablandırılmışdır.

Sonda tədbir iştirakçılarına layihə çərçivəsində hazırlanan bukletlər paylanılmışdır.