Azərbaycan Respublikası Prezidenti yanında Gənclər Fondunun maliyyə, Sumqayıt şəhər Gənclər və İdman Baş İdarəsinin, Gənclərin Sağlam Gələcəyi təşəbbüs qrupunun təşkilati dəstəyilə 31yanvar 2016-cı il tarixində Sumqayıt Gənclər Evində yol hərəkəti qaydalarının örgənilməsi və təbliğiistiqamətində növbəti II seminar keçirilmişdir."Qırmızı işıqda Ürək Dayanmasın. Sən Dayan!” adlı layihə çərçivəsində təşkil olunan seminarda 41 nəfər gənc iştirak edib.

İlkin olaraq iştirakçılar yol hərəkət qaydaları, mədəniyyəti haqqında video çarğı izləyiblər. Layihə rəhbəri Elvin Hüseynovseminarda çıxış edərək dövlət gənclər siyasətindən, Gənclər Fondundan, gənclərə göstərilən diqqət və qayğıdan danışaraq, iştirakçıları "2 Fevral - Azərbaycan gəncləri günü” münasibətilə təbrik edib. O vurğulayıb ki, layihənin məqsədi yol qəzalarda insan itgisinin qarşısını almaq, işıqforun nizamlayıcısına, piyada keçidinə diqqət çəkmək, yol hərəkəti təhlükəsizliyi şüurunuqazandırmaq vəmaarifləndirmə işləri aparmaqdır.

Daha sonra "Avto-Moto 1” avtomobil məktəbinin təlimçisi Ziyadxan Bəşirov tərəfindən aparılan seminarda gənclərə yol hərəkəti qaydaları və mədəniyyəti, piyada və sürücünün vəzifələri, işıqforun nizamlayıcıları, yol qəzalarının baş vermə səbəbləri mövzularında nəzəri biliklər verilib, paktiki məşğələlər keçilib.

Seminarın yekunu olaraq bir qrup gənclə şəhərin küçələrində piyada zolaqlarından istifadə etməyən, işıqforun siqnallarına əməl etməyən, avtomobili piyada keçidi və səkilərin üzərində saxlayan vətəndaşlar arasında təbliğat işi aparılıb, yol hərəkəti qaydalarını özündə əks etdirən bukletlər paylanılıb.