Bu gün Sumqayıtın bir çox məhəllə və mikrorayonlarında Su Bayramı qeyd edilir. Belə ki, şəhər əhalisinin sevincinin həddi hüdudu yoxdur. Onlar kütləvi şəkildə hamamlanır, vannaları su ilə doldurur, böyük-kiçik qarışıq suyla oynayır, hətta şadyanalıqdan bir birininin üstünə su da atırlar. Artıq formalaşmış adətə görə, qonşular qapı qapı düşərək bir-birinə 1 stəkan su hədiyyə edirlər.
Su bayramınız mübarək, əziz sumqayıtlılar... Su qədər ömrünüz olsun.
Suyumuz gəldi...
Elnur Ağayev
Xeberle.com
P.S. Allah qədim zamanlarda çayın qarşısını kəsən əjdahanı öldürən və insanlara su bəxş edən cəngavər Suma qəni qəni rəhmət eləsin. Yeri gəlmişkən, təklif edirəm Sumqayıtda Su İdairəsinin qarşısında cəsur Suma heykəl qoyulsun.
Xəbərdən istifadə edərkən istinad etmək vacibdir.