Səhiyyə naziri Oqtay Şirəliyev iyulun 11-də Sumqayıt 1 saylı şəhər xəstəxanasında vətəndaşları qəbul edəcək.
Səhiyyə Nazirliyinin mətbuat xidmətindən verilən xəbərə görə, nazir Sumqayıt sakinləri ilə yanaşı, Qubadlı, Abşeron, Xızı, Siyəzən rayon sakinlərini qəbul edəcək və səhiyyə sahəsinə dair vətəndaşları maraqlandıran sualları cavablandıracaq.
Qəbulda sakinlərin müraciətləri, şikayət, təklif və fikirləri nazir tərəfindən dinləniləcək və lazımi tədbirlər görüləcək.
Qəbula yazılmaq istəyən vətəndaşlar Sumqayıt 1 saylı şəhər xəstəxanasında qeydiyyatdan keçə bilərlər.
Xəbərdən istifadə edərkən istinad etmək vacibdir.
