Sumqayıt şəhər Gənclər və İdman Baş İdarəsinin və Sumqayıt "İB Club”un birgə təşkilatçılığı ilə "Sumqayıt Gənclər Evi”ndə "Müvəffəqiyyət - şərtlər vacibdirmi?” mövzusunda seminar keçirilib.
Təlimdə Bakı şəhərindən də olmaqla şəhərimizin müxtəlif sahələrini təmsil edən 100-ə yaxın fəal gənc iştirak edib. Fəxri Ağayev tərəfindən verilən seminarda uğurun əldə olunması üçün hədəflərin bəlli edilməsi, bu hədəflərə çatma yolunda icra planının hazırlanması və onun əhəmiyyəti, uğurlu karyeraya gedən yolda sağlam həyat tərzinin vacibliyi istiqamətlərində interaktiv metodla fikir mübadiləsi aparılmış, təcrübi biliklər aşılanıb.
Seminarda həmçinn iştirakçılar üçün Fəxri Ağayevin "Saxla zamanı, gәlәr zamanı!” kitabının təqdimatı edilib. Böyük maraqla dinlənilən seminarda iştirakçılar mövzu ətrafında onları maraqlandıran suallara da cavab tapıblar.
Qeyd olunub ki, Baş İdarə tərəfindən gənclərin maraq sahələrinə uyğun müxtəlif mövzularda təlim və seminarların keçirilməsi davamlı olacaq və bu istiqamətlərdə təklifi olanlar [email protected] elektron ünvanına müraciətlərini göndərə bilərlər.
Sonda seminarda aktiv olan və auditoriyaya maraqlı olacaq suallar ünvanlayan 3 nəfər iştirakçıya "Saxla zamanı, gәlәr zamanı!” kitabları hədiyyə olunub.