Sumqayıtda Novruz bayramı münasibətilə keçirilən silsilə tədbirlər davam edir.

Xeberle.com xəbər verir ki, növbəti tədbir Sumqayıt şəhəri Hacı Zeynalabdin qəsəbəsində keçirilib. H.Z.Tağıyevin abidəsinin qarşısında keçirilən bayram şənliyində Sumqayıt şəhər İcra Hakimiyyəti Başçısının birinci müavini Faiq Kərimov və digər məsul şəxslər iştirak ediblər.

İncəsənət ustalarının baharı, ölkəmizi tərənnüm edən mahnıları ətrafa yayılaraq bayram şənliyinin iştirakçılarında xoş ovqat yaradıb. Novruzun gəlişi münasibətilə  bayramın əsas atributları olan Bahar qızı, Keçəl, Kosa və milli geyimdə olan qız və oğlanlar meydana daxil olub və meyxanaçıların novruz ovqatlı çıxışları təqdim olunub.

Çıxışlarda Novruzun xalqımızın milli mənəvi dəyərlərini özündə əks etdirən qədim el bayramı olduğu qeyd olunub, müstəqillik qazanılandan sonra bu bayramı hər il dövlət səviyyəsində qeyd edildiyi razılıq hissi ilə xatırlanıb.

Bədii özfəaliyyət kollektivləri, müğənnilər şən mahnılar, rəqs qruplarının üzvləri milli rəqslər ifa ediblər. İdmançıların çıxışları alqışlarla qarşılanıb.

Şəhər rəhbərliyi tədbirin keçirildiyi ərazidə sakinlərlə görüşüb, onlara bayram təbriklərini çatdırıblar.
Xeberle.com
Fotolar: Kamran Kazımzadə