Son günlər cəbhə boyu baş verən hərbi əməliyyatlar bizim bir millət olaraq təşnə olan hisslərimizin, arzularımızn üstünə su çilədi. Biz millət olaraq qürurmuzu diriltdik!
Son günlər Azərbaycan Ordusunun uğurları düşmənlə bərabər bizim də yuxumuza haram qatdı, amma bunlar fərqli-fərqli yuxusuzluqlardır! Biz ordumuzun həm də ŞANLI olduğunu gördük!
Son günlər alınan yüksəkliklərdə, boşaldılan kəndlərdə qaldırılan qələbə bayraqları bizi böyük qələbəyə yaxınlşadırdı! Biz bu millətin nəyə qadir olduğunu gördük!
18-20 yaşlı əsgərlərimizin Vətən sevgisi ilə döyünən qəlbi, qələbə üçün qaynayan qanı bizim də qəlbimizə sevinc qatdı, qanımızı qaynatdı!
Birliyimizin, bərabərliyimizin sınağa çəkildiyi məqamda bir olduğumuzu və elə həmişə belə olduğumuzu bir daha gördük! Ruhumuz qanad açıb göylərə uçdu!
Könüllülərin sayı-hesabı itdikcə yolları bağlamağa məcbur olan rəsmilərimizin qürurdan kövrələn gözlərini görmək nə xoşdur!
Yaralı əsgərlərimizə qanı ilə bərabər canını da verməyə hazır olan millətimizin saatlarla növbəyə durub nə ilə isə orduya kömək etmək hissini görmək nə böyük səadətdir!
Şəhidini əlinin üstündə gəzdirən, başının üstündə tutan millət necə də böyükdür!
Və bu gün, gecə saatlarında Sumqayıt bir şəhid oğlunu qarşıladı! Yaz sazağının nəfəsi, göydəki ulduzların şahidliyi ilə şəhidimiz "Qarabağ! bizimdir bizim olacaq", Vətən bölünməz, Şəhidlər ölməz!” nidaları altında qarşılandı. Yaşından asılı olmayaraq hər kəs üçrəngli bayrağa qucaq açan şəhid tabutuna and içdi ki, vətənin sonuncu qarış torpağı əsarətdən azad olan günə qədər hər kəs əsgərdir, hər kəs qazidir, hər kəs ŞƏHİDDİR!
...və geridə qalan 22 illlik atəşkəsin mürgüdən oyanan gözlərini gördük. Biz bu 22 ildə şəhidlərimizin qanından utana-uatana ordumuzu gücləndirdik, ölkəmizi gücləndirdik və geridə qalan 22 il bizə özümümzü tanıtmaq üçün, dünyanın xəritəsində özümüzə nüfuzlu yer etmək üçün verilən müddət oldu!
Biz 22 ilə Şanlı Ordumuzu qurduq! Əsgələrimizin ruhunda qalibiyyət toxumu yetişdirdik! Millətmizin qəlbində qəlbə ümidi cücərtdik! Daha bəsdir! Əsarətə son! Biz qələbə xəbərlərini gözləyə-gözləyə qocaldıq! Qoy övladlarımız qələbə sevincini bayram edə-edə qocalsınalar! Biz bu QƏLƏBƏYƏ layiqiq! Biz bu qələbini çoxdandır gözləyirik!
Allah yolunu illərlə gözlədiyimiz qələbənin vaxtını tezləşdirsin!
Allah ordumuzun əsgərlərini qorusun!
Allah şəhidlərimizə rəhmət eləsin!
Allah birliyimizə, bütövlüyümüzə dəyməsin!
Türk olmaq şərəfi ilə yaşamağı, türk olmaq şərəfi ilə şəhid olmağı Allah bizdən əsirgəməsin!
QƏLƏBƏ XƏBƏRLƏRİN DAİMİ OLSUN, MƏMLƏKƏT!
ACILARI UNUTMAĞIN BİR YOLU VAR – BÖYÜK QƏLƏBƏ!
Xəbərdən istifadə edərkən istinad etmək vacibdir.
