"Əziz Sumqayıtlılar.Əgər əlinizdə uzun zamandır istifadə etmədiyiniz, kitab, paltar və ya digər yaxşı vəziyyətdə olan əşyalar varsa buna başqalarının ehtiyacı ola bilər. Ona görə də bu əşyaların şəkillərini çəkib bu səhifəyə göndərməklə ehtiyac sahiblərinə çatdıra bilərsiniz. "Freecycle Sumqayıt", əlində istifadə etmədiyi əşyalar olanlar ilə bu əşyalara təmənnasız sahib olmaq istəyənlər arasında əlaqə yaratmaq üçün bir layihədir."
Layihə koordinatorunun bildirdiyinə görə, siz həmçinin ehtiyacı olan tərəflərin müəyyənləşdirilməsinə və səhifədə yerləşdirilmiş əşyaların qarşı tərəfə tez çatdırılmasına yardımçı ola bilərsiniz.Qeyd edək ki, "Freecycle" - dünya səviyyəsində tanınmış və istifadə edilən, gəlir məqsədi güdməyən layihələrdəndir. Hər bir Sumqayıt şəhər sakini, təslim etmək istədikləri əşyaları layihə idarəçilərinə təqdim edə, eyni zamanda layihəyə təqdim edilən əşyaları idarəçilərdən təslim ala bilərlər. Layihə Sumqayıtda yaşayan və ya çalışan, eləcə də şəhərimizin qonaqları üçün açıqdır.(yenisumqayit.az)
Layihənin facebook səhifəsi: https://www.facebook.com/freecyclesumqayit/timeline