Sumqayıtda "Qalx ayağa, Azərbaycan" adli hərbi-vətənpərvərlik tədbiri

Sumqayıtda "Qalx ayağa, Azərbaycan" adli hərbi-vətənpərvərlik tədbiri - VİDEO + FOTO

Tarix: 8-04-2016, 17:05 Oxunma sayı: 2 086 Bölmə: Cəmiyyət / Təhsil / Sumqayıt

Bu gün Sumqayıt şəhər 28 saylı tam orta məktəbində 1a sinfi "Qalx ayağa, Azərbaycan" adli hərbi-vətənpərvərlik tədbiri kecirilib.

Tədbir Azərbaycan Respublikasinin Dövlət Himninin səslənməsi ilə başlayıb. Sonra Vətənimizin azadlığı uğrunda canlarından keçən şəhidlərimizin ruhu bir dəqiqəlik sükutla yad edilib. Tədbiri giriş sözü ilə açan Sevinc Hacıyeva son günlər cəbhə xəttində baş verən döyüşlərdən danışıb, ordumuzun keçirdiyi uğurlu hərbi əməliyyatlar haqqında uşaqlara məlumat verib. Tədbir şagirdlərin hazırladığı "Ağlama, şəhid anasi" adlı ədəbi kompozisiya ilə davam edib. Şagirdlər həmcinin şəhidlərə həsr olunmuş şeirlər söyləyiblər.

Şagirdlərdən Ayan, Fatimə və Azər şəhid olan əmiləri haqqinda ailələrindən eşitdiklər xatirələrdən danışıblar.

Fatimə xüsusi vurğulayıb ki, onun əmisinin şəhidlik zirvəsinə yuksəldiyi Agdərədəki yüksəkliklər artıq azad olunub, əmisinin qisası alınıb.

Daha sonra Qarabağa həsr olunmuş sənədli film nümayiş etdirilib.

Sonda şagirdlər məktəbin həyətində "Azərbaycan" şeirini söyləyərək "Şəhidlər ölməz, Vətən bölünməz", "Qarabağ bizimdir, bizim olacaq!" şüarlarını səsləndirərək bayrağımızı dalğalandırıblar.