Sumqayıtın Kimyaçılar yaşayış sahəsində-32 ədəd, Bağlar massivində-64 ədəd genişzolaqlı internet portu çıxarılaraq EATS-642, 644, 652-də montaj edilib. Şəhərdəki beş və doqquz mərtəbəli binaların telefon və internet xidmətlərinin optikləşdirilməsi üçün layihə hazırlanaraq Rabitə və Yüksək Texnologiyalar Nazirliyinə göndərilib.
Xeberle.com xəbər verir ki, bu sözlər 2016-cı ilin I rübündə Sumqayıt şəhərinin sosial-iqtisadi inkişafının yekunlarının və qarşıda duran vəzifələr haqqında şəhər İcra hakimiyyətinin hesabatında yer alıb.
Hesabatda qeyd olunub ki, Hacı Zeynalabdin qəsəbəsindəki 643 №-li EATS-i 2-ci rübdə rekonstruksiya olunacaqdır. Qəsəbə ərazisində Xətai küçəsində 50 nəfər sakinə yeni telefon çəkilib.
Rabitə xidmətləri üzrə tarif gəlir proqnozu bütövlükdə yerinə yetirilib, abonentlərin sayı 94 ədəd artırılaraq ümumi tutum 60263 ədədə, internet istifadəçilərinin sayı 621 ədəd artırılaraq 10791 istifadəçiyə çatdırılıb.