Sumqayıt Dövlət Texniki Kollecinin və şəhər Gənclər və İdman Baş İdarəsinin birgə təşkilatçılığı ilə tələbə-gənclərlə görüş keçirilib.
Görüşün tələbə - gənclərin ideya və təşəbbüslərinin dinlənilməsi, yaradıcı gənclərin bilik və bacarıqlarının artırılması və fəaliyyətlərinin stimullaşdırılması məqsədi ilə təşkil edilib.
Tədbirdə giriş sözü ilə açan Kollecin direktor müavini Əsəd Qurbanov xalqımızın Ümummilli Lideri Heydər Əliyevin gənclərə göstərdiyi diqqət və qayğıdan danışıb, bu siyasətin Prezident  İlham Əliyev tərəfindən çox uğurla davam etdirildiyini qeyd edib.
Daha sonra çıxış edən Baş İdarənin Gənclərlə iş sektorunu baş məsləhətçisi Ceyhun Hüseynov Azərbaycan gənclərinin günümüzün müasir, inkişaf edib, yüksək intellektli aparıcı qüvvə kimi formalaşmasında birmənalı olaraq dövlətimizin apardığı gənclər siyasətinin mühüm rolu olduğunu vurğulayıb.
Sonda Ümummili Lider Heydər Əliyevin anadan olmasının 93-cü il dönümünə həsr edilmiş inşa müsabiqəsi və idman yarışlarının qalibləri, 2016-cı ilin I rübü ərzində ictimai fəallığı ilə seçilən 10 nəfər tələbə Kollecin və Baş İdarənin fəxri fərmanı, hədiyyələri ilə təltif olunublar.