ÖZÜNÜ TANITMAĞA ÇALIŞAN "MARKETOLOQ"
 Son günlər özünü ictimaiyyətə marketoloq kimi tanıtmağa çalışan Tural Abdullayev rəhbərlik etdiyi supermarketinq.com saytının vasitəsilə heç bir əsaslı araşdırma aparmadan, heç bir tədqiqat mərkəzinin rəylərinə və laborotoriya analizlərinin nəticələrinə söykənmədən şəxsi mülahizələri və baxışları əsasında müxtəlif marketlər haqqında həqiqətə uyğun olmayan məlumatlar yayımlamaqdadır.
ŞƏXSİ MÜLAHİZƏLƏRİ İLƏ DƏYƏRLƏNDİRMƏ APARIR
Belə ki, sözü gedən şəxs marketlərdən alış-veriş edərək marketdən çıxır və 6 kriteriyaya görə dəyərləndirmə aparır. Marketlərdə gizli çəkilişlər apararaq dəyərləndirdiyi keyfiyyət, xidmət, kampaniya, çeşid, təmizlik və rahatlıq kriteriyalarını hansı parametirlər əsasında müəyyən edilir? Sadalanan hər 6 kriteriya üzrə mütləq şəkildə araşdırma aparılmalı, ekspert və market rəhbərlərinin rəyləri dinlənilməli və bundan sonra nəticələr müqayisə edilməlidir. Bütün qeyd olunan 6 kriteriyanın dəyərləndirilməsi T.Abdullayevin yalnız şəxsi mülahizələr əsasında aparılır. Sonda isə vətəndaşlara qeyri-obyektiv və yanlış məlumat verilir ki, bu da yolverilməzdir.
VƏTƏNDAŞLARI ÇAŞDIRMAQLA MƏŞĞULDUR
Bu gün ölkəmizdə ictimai iaşə, ticarət obyektlərində və xidmət sahələrində qonşu dövlətlərdə olduğu kimi ictimai nəzarəti həyata keçirən ixtisaslaşmış, peşəkar bir verilişin olmamasından istifadə edərək T.Abdullayev özünün qeyri-peşəkarlığı və qərəzli yanaşması ilə vətəndaşları çaşdırmaqla məşğuldur.
T.Abdullayev qanunsuz olaraq bir çox supermarketlərin  açıq şəkildə anti-reklamı bahasına hər hansı bir supermarketlərin gizli və haqsız reklamını edir. Bu isə qanunlara və vətəndaşlara hörmətsizlikdir.
Oxucuların nəzərinə çatdırırıq ki, bu kimi qeyri-peşəkar insanların hiylələrinə inanmasınlar.