Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə dəstəyi ilə "Qadın Təşəbbüsü və Sosial Problemlərin Həllinə Yardım” İB tərəfindən icra olunan "Insan alverinin potensial qurbanlarının maarifləndirilməsi və onlara sosial xidmətlərin təşkili, insan alverinin qurbanlarının sosial reablitasıyasına yardım göstərilməsi” layihəsinin təqdimat mərasimi keçirilib.
Təqdimatda hüquqşunaslar, psixoloqlar,
QHT və KİV nümayəndələri
olmaqla 22 nəfər iştirak edib.
Layihə rəhbəri Zenfira
Mustafayeva həyata keçiriləcək layihənin əsas məqsəd və vəzifələrindən danışıb.
Z.Mustafayeva bildirib ki, son zamanlar adıçəkilən sahədə dəfələrlə ictimaiyyət
maarifləndirilsə də mövzu öz aktuallığını saxlamaqdadır.
"Məqsədimiz bu
sahədə potensial qurbanları müəyyən etmək, onlara hüquqi və psixoloji yardım
etmək, ən əsası onların insan alveri qurbanına çevrilməsinin qarşısını
almaqdır” deyə o qeyd edib.
Layihə rəhbəri mərkəzdə
göstəriləcək xidmətlər və layihə benefisiarları barədə məlumat verib.
O, layihə çərçivəsində pulsuz
hüquqi, psixoloji və sosial işçi xidmətinin göstəriləcəyini, geniş miqyaslı maarifləndirmə
kampaniyasının aparılacağını da vurğulayıb.
Bununla yanaşı layihənin uğurlu
nəticələr əldə etməsi üçün təqdimat iştirakçıları ilə qarşılıqlı fikir
mübadiləsi aparılıb.
Sonda
bu tip layihələrin və maarifləndirmə kampaniyalarının təşkilinə böyük ehtiyacın olduğu
qeyd edilib.
Xeberle.com
Xəbərdən istifadə edərkən istinad etmək vacibdir.