Fövqəladə Hallar Nazirliyinin Sumqayıt Regional Mərkəzi Novxanı Bələdiyyəsində "Fövqəladə halların qarşısının alınması və nəticələrinin aradan qaldırılması sahəsində yerli özünüidarəetmə orqanları ilə qarşılıqlı fəaliyyətin təşkili” mövzusunda maarifləndirmə tədbiri keçirib.
Xeberle.com FHN-nin saytına istinadən xəbər verir ki, tədbirdə çıxış edənlər "Fövqəladə halların qarşısının alınması və nəticələrinin aradan qaldırılması sahəsində FHN Sumqayıt Regional Mərkəzi ilə bələdiyyələrin birgə fəaliyyətinin təşkili”, "Müəssisələrdə yanğın təhlükəsizliyi qaydaları”, "Fövqəladə hallar zamanı davranış qaydaları”, "Məişətdə qaz cihazlarından istifadə qaydaları”, "Su hövzələrində insanların təhlükəsizliyinin təmin olunması qaydaları”, "Bələdiyyələrdə mülki müdafiə işinin təşkili qaydaları” və "112” qaynar telefon xətti təhlükəsizliyimizin qarantıdır” mövzularında məlumat verib.
Mövzulara dair suallar cavablandırılıb və maarifləndirmə xarakterli təbliğat materialları, yaddaş kitabçaları, bukletlər paylanılıb.
Sonda Fövqəladə Hallar Nazirliyinin strukturu və fəaliyyət istiqamətlərindən bəhs edən videoçarx nümayiş olunub.
Xəbərdən istifadə edərkən istinad etmək vacibdir.