İştirakçılar ilkin olaraq Ümummilli Lider Heydər Əliyevin həyat və fəaliyyətindən bəhs edən filmi izləyiblər.

Tədbiri giriş sözü ilə açan Baş İdarənin Gənclərlə iş sektorunun baş məsləhətçisi Ceyhun Hüseynov Ulu Öndər Heydər Əliyevin xalqa, millətə və dövlətə sədaqətli xidmətindən, şərəfli həyat yolundan, xilaskarlıq missiyasından danışıb, 15 iyun tarixinin ictimai, siyasi əhəmiyyətə malik bir gün olduğunu qeyd edib və iştirakçıları Qurtuluş günü münasibəti ilə təbrik edib.

Sumqayıt Gənclər Evinin əlaqələndirici Pəri Vəliyeva, Yeni Azərbaycan Partiyası şəhər Gənclər Birliyinin üzvü Emin Əliyev, Sumqayıt Dövlət Universitetinin tələbəsi Aysel Şıxəliyeva çıxışlarında Ümummili Lider Heydər Əliyevin Azərbaycanı məhv olmaq təhlükəsindən qurtarıb gələcəyə inamla addımlayan bir dövlətə çevrilməsi yolunda gördüyü böyük işlərdən, Azərbaycançılıq, müstəqillik, milli həmrəyliyin yaradılması istiqamətində atılan addımlardan danışıblar.