Azərbaycan Respublikasının Prezidenti
yanında Gənclər Fondunun maliyyə dəstəyi və Gənclər və İdman Nazirliyinin və
Gəncə şəhər İcra Hakimiyyətinin dəstəyi ilə Azərbaycan Demokratik Tələbə
Gənclər Təşkilatı (ADTGT) tərəfindən gerçəkləşən "Gənclər Siyasətində Fəal
İştirakşılıq” Beynəlxalq Gənclər Forumu layihəsinin iştirakçısı olan 12
ölkənin 24 gənc lideri bu gün "Avropa
Gənclər Paytaxtı - 2016” Gəncə şəhərinə gəlmişlər.
Xatırladaq ki, beynəlxalq layihə
"Gəncə - Avropa Gənclər Paytaxtı 2016”
kampaniyası çərçivəsində əcnəbi və milli gənc liderlərin iştirakı ilə müasir
gənclər siyasəti, gənclərin fəal iştirakçılığı, gənclər işində qeyri-formal
tədris, könüllülük, liderlik, beynəlxalq gənclər işi, gənclərin məşğulluğu və
gənclər siyasətinin gücləndirilməsi istiqamətində müxtəlif tematik konvensiya
və təcrübələrin müzakirəsi, mübadiləsi və qarşılıqlı tətbiqi imkanlarına dair
fəaliyyət və tədbirləri nəzərdə tutur.
Forumun proqramına uyğun I
gün əcnəbi gənc lidrlər şəhərin tarixi-mədəni yerləri ilə tanış olmuş,
Gəncədəki Heydər Əliyev Park Kompleksini, Avropa Gənclər Paytaxtı Parkını və
Nizami Məqbərəsini ziyarət etmişlər. Gənclər Evi və onun fəaliyyəti ilə
yaxından tanış olan xarici qonaqlar, Gəncə şəhərinin həqiqətən Avropa Gənclər
Paytaxtı statusuna layiq bir şəhər olduğunu vurğulamaqla yanaşı Azərbaycanda
aparılan uğurlu gənclər siyasətinin öz bəhrəsini verdiyinə əyani şahid
olduqlarını bildirmişlər. Göy-Göl Milli Qoruğu ilə tanış olan əcnəbi gənc
liderlər Azərbaycanın gözəl tarixi, turistik yerlərinə heyranlıqlarını
gizlətməmişlər.
Sabah rəsmi plenar açılışla
başlayacaq Beynəlxalq Gənclər Forumui növbəti
günlərdə öz işini 4 panel müzakirəsinin aparılması, beynəlxalq gənclər əməkdaşlığı
sahəsində təcrübə-informasiya mübadiləsi şəbəkəsinin qurulması, Gəncə Bəyannaməsinin
qəbulu və geniş profilli PR fəaliyyəti ilə 9 iyula qədər davam etdirəcəkdir.
Layihə ölkə prezidenti
cənab İlham Əliyevin imzaladığı 24.02.2016-cı il tarixli Gəncə şəhərinin "2016-cı il Avropa Gənclər Paytaxtı”
seçilməsi ilə əlaqədar tədbirlər haqqında sərancamında, "Gəncə Avropa Gənclər Paytaxtı - 2016” ümumi tədbirlər planında və "2015-2025-ci illərdə Azərbaycan Gənclərinin
İnkişaf Strategiyası”nda nəzərdə tutulan fəaliyyətlərə yönəlməsi baxımından
çox əhəmiyyətlidir.
Xəbərdən istifadə edərkən istinad etmək vacibdir.