Ermənistan-Azərbaycan, Dağlıq Qarabağ münaqişəsi nəticəsində itkin düşmüş, əsir-girov götürülmüş, həmçinin azad edilmiş şəxslərlə bağlı statistik məlumatlar açıqlanıb.
Əsir və itkin düşmüş, girov götürülmüş vətəndaşlarla əlaqədar Dövlət Komissiyasından AzVision.az-a verilən xəbərə görə, Dövlət Komissiyasının qeydiyyatından keçən itkin düşmüş şəxslər 3811 nəfərdir.
Onlardan hərbçilər - 3098 nəfər, mülki şəxslər - 713 nəfərdir. O cümlədən uşaqlar: 61 nəfər (20 nəfər qız, 41 nəfər oğlan), qadınlar 255 nəfər, qocalar 304 nəfərdir (158 nəfər qadın).
Eyni zamanda 877 nəfərin əsir-girov götürülməsi barədə məlumatlar daxil olub. Onlardan 595-i hərbçilər, 282-si mülki şəxslər, eləcə də 27-si (7 nəfər qız, 20 nəfər oğlan) uşaqlar, 99-u qadınlar, 114-ü isə (65 nəfər qadın) qocalardır.
Əsir və girovluqdan azad edilmiş şəxslərə gəlincə isə bu rəqəm 1436 nəfərdir.
Onlardan: hərbçilər - 351 nəfər, mülki şəxslər - 1085 nəfər, o cümlədən uşaqlar: 210 nəfər (74 nəfər qız, 136 nəfər oğlan), qadınlar: 341 nəfər, qocalar: 285 nəfər (108 nəfər qadın).
Beynəlxalq Qızıl Xaç Komitəsinin qeydiyyatından keçən itkin düşmüş şəxslər: Azərbaycan tərəfindən - 3734 nəfər, erməni tərəfindən - 780 nəfərdir.
Xəbərdən istifadə edərkən istinad etmək vacibdir.
