İşıqforda avtomobillər dayanır. Sütunların arxasından 7-10  yaşlarında qız  uşaqları maşınlara  yaxınlaşır, əllərini uzadır,  heç nə demədən sürücünün gözlərinin içinə baxaraq avtomobillər hərkət edənə qədər bu vəziyyətdə  dururlar.
Kimisi pul verir, kimisi nəlayiq sözlər yağdrıır,kimisi nəsə təklif edir,kimisi də özünü görməməzliyə vurur. Mənim diqqətimi bu uşaqlarin görkəmi,duruşu, ədaları cəlb etdi.
Sanki bu qızlar 7-10 yaşlarında olmalarına baxmayaraq kişilərin diqqətini hansı yolla olursa olsun özlərinə cəlb etmək üçün böyük bir məktəb keçiblər. Yanlarını burcuda-burcuda gəzən, gözlərini süzdürən körpə qızların nələrdən keçdiyini onların üz ifadələri,baxışları,duruşları biruzə verir.
Düşünmək olar ki, bu ədaları,yerişi, baxışı onlara kimlərsə yaxşıca təlim keçib və hər an bu körpə ,lakin vaxtından tez uşaqlıqları əllərindən alınmış bu qizlar təcavüzə məruz qala bilərlər. Məgər bu uşaqlarin taleyi heç kimi maraqlandırmır? Kimlərdir onları bu işə təhrik edənlər?
Biz çox vaxt özumuzə haqq qazandırıb deyirik ki,bunlar Roman tayfalarından ola bilə. Onlar onsuz da bu yolla cörək pulu qazanırlar. Kim olur olsun, körpə qız uşaqlarını təhlükəyə atmağa,dilənçiliyə ,fahişəliyə cəlb etməyə heç kimin haqqı yoxdur. Bu uşaqların həyatı,taleyi, gələcəyi məhv olur,onlar muxtəlif xəstəliklərin daşıyıcısı və yayıcısına çevrilirlər. Erkən yaşda qeyri-qanuni uşaqlar dunyaya gətirirlər və onların taleyi valideyinlərinkindən də acınacaqlı olur.
Uşaq və qadin problemləri ilə məşğul olan dövlət qurumları və biz qarışıq çox sayda QHT  var. Biz öz vəzifəmizi çox vaxt ancaq maarifləndirmə ilə məhdudlaşdırırıq, lakin daim üzləşdiyimiz uşaq əməyinin istismarı,dilənçiliyə vadar etmə, fahişəliyə cəlb etmə və sairəni görur ,cox vaxt bu hallara biganə yanaşırıq.

Xəbərdən istifadə edərkən istinad etmək vacibdir.