Sumqayıt "ASAN xidmət" mərkəzinin könüllülərinin təşəbbüsü ilə "Gözdən əlillər üçün oxu dərnəyi " layihəsinə start verilib.
Layihənin məqsədi görmə əngəlli insanların dünyagörüşünü artırmaq, mütaliə ehtiyacını qarşılamaq, onlara mənəvi dəstək olmaq və cəmiyyətə adaptasiyasına yardım etməkdir.
Layihə çərçivəsində keçirilən ilk tədbiri giriş sözü ilə açan Sumqayıt "ASAN xidmət" mərkəzinin direktor müavini Kəmalə Rəhimova könüllülərin bu təşəbbüsünü yüksək qiymətləndirdiyini,
layihənin davamlı olması üçün əllərindən gələn hər bir köməkliyi əsirgəməyəcəklərini
bildirib.
Tədbirdə
"ASAN xidmət” könüllüləri tərəfindən dəyərli yazıçımız İlyas Əfəndiyevin "Gözlənilməyən
sevgi” hekayəsi və gözdən əlillərə həsr edilmiş müxtəlif uğur hekayələri səsləndirilib,
tədbir musiqi və rəqs parçaları ilə davam edib.
Eyni zamanda "Azərbaycan Gözdən
Əlillər Cəmiyyəti” Sumqayıt təşkilatının üzvü Rövşən Ulduzxanın müəllifi olduğu şeir səsləndirməsi
hamının marağına və alqışına səbəb olub.
Tədbirdə
çıxış edən "Azərbaycan Gözdən Əlillər Cəmiyyəti”nin Sumqayıt şəhər təşkilatının rəhbəri Tamam Məsimova
layihənin təşkil olunmasına görə öz təşəkkürünü bildirib və layihənin davamlı
olmasını arzulayıb.
Xəbərdən istifadə edərkən istinad etmək vacibdir.
