Sumqayıt Gənclər Evində şəhər Gənclər və İdman Baş İdarəsinin, Sumqayıt Dövlət Universiteti tələbə-gənclər təşkilatının və Yeni Azərbaycan Partiyası Gənclər Bilriyinin birgə təşkilatçılığı ilə "Ekoloji təhlükəsizlik” mövzusunda interaktiv seminar keçirilmişdir. Seminarı giriş sözü ilə açan Baş İdarənin Gənclərlə iş sektorunun müdiri Ceyhun Hüseynov Azərbaycan təbiətinin zənginliklərinin qorunub saxlanılması, sağlamlığımızın təmin olunması, ekologiyanın çirklənməsinin qarşısının alınması istiqamətində həyata keçirilən dövlət siyasətindən, görülən işlərdən söz açmış, gənc nəslin ekoloji tərbiyəsi məsələləri ilə bağlı fikirlərini bildirmişdir.
Sumqayıt Dövlət Universitetinin tələbəsi Elvin Gülməmmədov çıxış edərək Gənclər Fondunun ekoloji mühitin qorunması istiqamətində gənclərin təşəbbüslərinin dəstəkləməsindən, onların potensiallarının üzə çıxarılmasında, inkişafında  olan rolundan danışmışdır. Bildirildi ki, seminarın əsas məqsədi elektron tullantıların təbiətə, atmosferə, insan sağlamlığına vurduğu zərərin qarşısını almaq, bu zərərlər haqqında ictimaiyyəti bilikləndirmək, elektrontullantıların təbiətə və bitkilərə olan təsirlərini araşdırmaq, maarifləndirmə işi təşkil etməkdir.
Aysel Şıxəhmədova tərəfindən verilən interaktiv seminarda elektron tullantıların kompüter texnikası, enerji daşıyıcılarının, batereyaların və.s ətraf mühitə atılmasından təbiətin tədricən aşındığı, zərərli  tərkiblərin ətrafa yayılaraq atmosferi, torpağı, qrunt sularını zəhərlədiyi ətraflı izah olunmuş, dünya təcrübəsində ətraf mühiti belə zərərlərindən qorumaq üçün tullantı qutularının yanına əlavə olaraq elektron tullantılar qutusunun qoyulduğu, belə tullantıların yenidən istehsal prosesinə cəlb olunduğu izah olunmuşdur.

 

 

 

 

Xəbərdən istifadə edərkən istinad etmək vacibdir.